「聲夢小花」姚焯菲年初三晚終於啟程遠赴新西蘭留學，表現依依不捨的說除了書本上的知識外，亦希望學懂獨立。而「人氣王」炎明熹則留港為工作打拚，對於參與《愛．回家》演出感到不可思議。

歌手姚焯菲（Chantel）前晚現身香港國際機場，準備出發往新西蘭，除了父母、妹妹、唱歌老師外，還有親戚前來送行。Chantel見到幾位好友即飛撲上前擁抱，表現得難離難捨。姚父辦理完check in手續後，表示：「讓女兒到外國讀是希望她能夠見世面，不過好唔捨得，但都冇辦法。」

Chantel表示仍未有出國的實質感覺，問她報讀甚麼學系時，她說：「我讀嗰啲係中英數咩都有，所以唔需要特別揀。（住宿舍定租屋？）住宿舍，大家都知我自理能力唔係太好，呢個都係父母畀我去外國讀書嘅其中一個原因。」

當她甫抵當地即透過社交平台報平安，並上載從飛機拍攝的新西蘭景色的片段，之後轉發離港前與張馳豪、何晉樂等聲夢好友聚會的合照，並留言貼上心心圖案，似乎剛到埗已開始掛念大家。

炎明熹搵劉丹集郵

另外，「人氣王」炎明熹（Gigi）於今晚播出的《愛．回家之開心速遞》客串演出，身為劇集「鐵粉」的她表示：「佢哋嘅內容令我睇完之後好開心，每集會帶出一啲信息，好生活化。我由細睇到大，小學時係睇《八時入席》。」Gigi表示有份參與感覺榮幸又夢幻兼不可思議，會爭取時間向劉丹集郵。她說：「我一直好想拍劇，覺得好有趣，好鍾意同工作人員相處，佢哋真係非常之好，好似屋企人咁，希望儲多啲經驗同能力後再拍劇。」