出爐港姐亞軍許子萱被指在宣布賽果時黑面，她昨日出席活動時否認：「我打算宣布前冇笑容，宣布後先笑，咁個笑容會燦爛啲。老實講我係有少少失望，但唔係所有事都咁完美，呢個係不完美嘅完美。（問答環節話你擦鞋失分？）我想答得有創意同大膽，我唔覺得係擦鞋，反而顯得我對評判同司儀有了解，事前做足功課，係好學生表現。」
至於賽前大熱邢慧敏十強止步，她坦言有少許失望：「大家都睇好我，好似好戥我失望咁，要問番評判點解要淘汰我。（受負面新聞影響？）唔會，謠言止於智者。」模特兒出身的她自言口才普通，對於有佳麗口才不濟亦順利躋身五強，她表示：「呢啲係睇整體，評判都睇到我哋特質。」
