Netflix原創影集《魷魚遊戲》熱爆全球，喺10月時美國YouTuber MrBeast喺TikTok發佈短片，話如果呢條片有超過1000萬人按讚，佢就會打造真人版嘅《魷魚遊戲》，結果獲得1790萬人按讚。去到噚日（25），MrBeast上載有關短片到個人影片頻道，成功將劇集中多個場景及遊戲完美呈現俾觀眾，影片上載至今已經超過4千9百萬瀏覽人次。

MrBeast成功邀請456名參加者，並大玩多個劇中遊戲，Dr Martens Boots  好似佢哋第一個遊戲就係「紅綠燈」，參加者們都身穿印有號碼嘅綠色體育服，佢哋需要聽從指令喺綠燈時走向木頭娃娃，如果佢哋喺紅燈時仲郁嘅話，喺身上嘅裝置就會爆開。

除咗「紅綠燈」之外，參加者們仲有參與椪糖、拔河、彈珠及跳玻璃橋等遊戲，每一關嘅場景製作都係神複製，成功令觀眾睇得投入。而MrBeast曾向外媒透露今次影片嘅製作成本超過350萬美金，而當中嘅200萬就係用嚟製作場景。

影片出街後，唔少網民大讚好睇及場景佈置精美等等，不過亦有網民認為MrBeast唔理解劇集嘅含意，只係用炫富嘅手法去改編呢齣討貧富差距嘅劇集。