城中名人林恬兒與林心兒兩姊妹盛裝到中環出席BVLGARI聖誕派對，被問到家中是否有不少珍藏珠寶？恬兒笑說：「媽咪就多啲，我哋仲好年輕，依家都開始有儲。」心兒則說：「家姐有老公買，我哋都會同媽咪交換首飾戴，細細個媽咪就教我哋好多珠寶知識，我哋三個都鍾意首飾。」恬兒即表認同：「有邊個女仔唔鍾意首飾？會努力賺錢自己買，女人都可以買珠寶畀自己嘅。」

踏入12月，心兒表示每年聖誕一定會與家人一起食飯慶祝，而恬兒因育有小朋友要好好準備禮物，又指小朋友有舅父、姨姨愛錫送禮物，故相當開心，並透露聖誕會與家人到美國滑雪及探望奶奶，享天倫之樂。