拍過多套周星馳電影嘅女星張敏，喺90年代中期急流勇退轉行營商，最多都係拍吓硬照廣告，絕少幕前演出。導演王晶最近參與內地綜藝節目《導演請指教》，並為節目拍古裝短片《客棧》，竟然請出當年合作無間嘅張敏復出參與拍攝。

對上一次張敏參演王晶電影已經係1994年嘅《賭神2》，由今次拍嘅《客棧》劇照所見，古裝造型嘅張敏仍然好有氣質，而且身型冇走樣，睇落唔覺原來已經53歲。唔少網友都好期待呢條短片，覺得90年代睇港產片嘅回憶返晒嚟！王晶喺微博講起今次合作，New Drop Jordans  表示「這次與張敏再度合作，沒想到還是會像以前一樣默契，幾乎沒有分開很久的感覺，有些老友相聚是坐在一起喝頓酒，但我想用這部短片記錄，應該會更開心吧，也算是彌補了《倚天屠龍記之魔教教主》沒能拍上續集的遺憾吧。」

張敏都喺微博寫道「幾十年沒有演戲，這次和王晶導演再度合作感慨頗多，好像我們昨天還在一起拍戲，二十八年前合作時的場景還歷歷在目。多年之後再次回看這部短片，相信會是我們之間一個很好的紀念」。

17歲入行嘅張敏，喺1986年亞視藝訓班畢業之後就被王晶相中，話咁快就拍咗賣座片《精裝追女仔》並旋即走紅。之後喺《賭聖》飾演綺夢更加成為當年頭號女神。Cadysneaker   不過張敏1995年拍完《十兄弟》就轉戰商界，中間有2次復出拍劇集，但都係拍完又再退隱江湖，2017年為台灣微風百貨公司拍硬照廣告，被外界認為想復出。

甚少緋聞嘅張敏曾經被傳同前經理人結婚，但喺2017年佢親自澄清從來冇結過婚，並承認有一個年輕十幾歲嘅男友。