粵劇界盛事、由4大文武生和兩大花旦主演的「《武俠》粵劇專場暨新編粵劇《呂布情傾貂蟬》」昨日舉行發布會，宣布將於12月8至11日公演，獲粵劇界和藝人支持，場面盛大，影帝任達華和影后楊千嬅都齊拍片預祝成功。

昨日出品人兼總策劃彭美施（施姐）率領文武生梁兆明、李秋元、宋洪波、王志良和花旦林穎施和梁非同出席發布會，嘉賓包括有毛俊輝、胡美儀、陳美齡、林建明、賈思樂、黎燕珊、文雪兒、劉家豪、梅小青等撐場。任達華和楊千嬅雖然未有出席，亦拍片預祝演出成功，而何文匯博士亦為《武俠》、忠、義、勇、智、俠、情作題字，令專場更添「戲」勢。

林穎施梁非同為《武俠》展風姿

《呂布情傾貂蟬》去年公演時，飾演呂布的王志良受腳傷、感冒及失聲困擾，心情低落流下男兒淚，他說：「上次演出時，最後一分鐘才告訴施姐失聲，怕佢早知道會決定退飛，損失慘重，但施姐知道後好淡定，叫我做到幾多得幾多，令我有番信心。」他說台上一開聲沙到唱不下去，幸好觀眾好包容和體諒，令他好感動，他感謝團隊有愛，希望今次能夠爭氣：「今次我做呂布外，喺《武俠》粵劇專場都會演出兩場，有文又有武，當中有唔少高難度動作，係一大挑戰。」梁非同是新生代演員，她希望透過演出，令更多新生代投入粵劇演出。

出身自京劇世家的文雪兒，從小受京劇演員父親耳濡目染影響，自小開始練功，她說：「幾歲就睇住爸爸教七小福打觔斗同練功夫，自己都演出過兩齣折子戲，知道做粵劇嘅辛苦，所以睇佢哋文武生同花旦嘅演出時好肉緊。」她稱父親教她功夫，主要為強身健體及筋骨柔軟，之後由三家姐元秋教她刀槍劍。本身有武功底子關係，她坦言也心癢癢想再演粵劇，如果演武戲就要多操練，始終放低了一段時間。