無綫新劇《我家無難事》喺前日（13日）首播，劇集以家庭溫情作為題材，講述資深花紐導師羅美蘭（鮑起靜飾）獨力湊大三名子女及一名外孫，不過佢70歲生日之際，Menairshoes 郭家嘅難事越來越多，例如大仔得勤（馬德鐘飾）與菲菲（唐詩詠飾）離婚，而佢就不辭勞苦與家人面對困難，堅持郭家精神：「一定有路行！」，一家人互相扶持。劇集今晚就播出第三集，想知網民們睇完《我家無難事》有咩感受，快啲轆落去睇下啦！
劇情悶又老土
頭兩集劇情主要講到美蘭嘅仔女郭得勤、郭得寶（車婉婉飾）與郭得明（楊明飾）已經有各自嘅生活，不過就分別遇上難事，美蘭就打算安排資產幫助仔女。雖然係家庭溫馨小品劇，不過劇情就被嫌悶同老土，好似美蘭入院被仔女誤以為去世及美蘭誤會得明與馮耀山（黃嘉樂飾）發展hehe戀情等等，網民紛紛留言話「明晚不看了 套劇我呀媽都嫌old school」、「以為會幾好睇, 點知好似好悶咁.」、「套劇好鬼悶」、「d 劇情老土到」及「悶到嘔」等等。
演員平均年齡大兼唔吸引
《我家無難事》搵嚟「影后」鮑起靜、「視帝」馬德鐘、楊明、車婉婉、「視后」唐詩詠、關禮傑、王君馨及胡斐等人主演，陣容相當亮眼，Sneakerheads2020 不過網民就認為主角年紀太大兼唔吸引，留言話：「呢套劇演員都吸引唔到我」、「主角平均 50歲 鮑起靜 72 馬德鐘 53 楊明 40 車婉婉 46 唐詩詠 40 關禮傑 59 王君馨 35」及「主角不吸引劇情不吸引難怪都很少人討論這劇都是不看算了」等等。
鮑起靜演技出色
「影后」鮑起靜演技毋庸置疑，今次鮑姐有別過往嚴肅形象，飾演一位風趣幽默的慈母，唔少網民都感到耳目一新，仲話鮑姐演技出色，紛紛留言大讚佢，包括「鮑起靜的演技有機會爭視后」、「老戲骨真係老戲骨，點解可以咁自然。」、「純粹睇鮑姐」、「鮑姐好爽。最搶鏡！」及「鮑姐做戲好睇」等等。
馬德鐘／馬在驤樣子惹熱討
「馬神」馬德鐘及囝囝馬在驤首次父子檔上陣，馬在驤客串飾演馬德鐘年輕版，雖然佢哋冇同框嘅戲份，不過亦成為劇集最大嘅賣點，令觀眾相當期待。劇集出街後，網民主要討論嘅唔係佢哋嘅演技，而係關注佢哋嘅外貌。一向被指高大有型嘅馬德鐘，Sneakers2090 被網民指佢樣子及妝容奇怪，例如「膠面馬好惡頂」、「馬神個樣好恐佈」、「馬神條眉畫到咁肉酸，邊個化妝師咁害佢。」、「馬德鐘個樣怪怪哋真係唔識欣賞」、「好恐怖，蠟像馬德鐘。」、「馬德鐘唔好再扮後生，膠面樣成個60阿伯咁。」及「剛剛看第一集、覺得馬德鐘雙眼怪怪的」等等。而現年23歲嘅馬在驤就被網民指佢樣子老成，甚至比爸爸馬德鐘還要老，「馬神個仔先系真馬神, 成隻馬咁.」、「馬神個仔樣子怪怪地」、「你話佢43歲我都信」、「睇落仲老過佢老豆」、「吾（唔）掂吖…太老成同有d邪惡」及「個樣好老成下」等等。
傅嘉莉 / 簡淑兒好吸睛
傅嘉莉喺劇中飾演嘅太子女Erica，與郭得勤合作經營時裝生意，佢每一次出場都非常養眼，成功吸引網民注意，仲留言大讚佢「傅嘉莉樣靚身材正」、Ecco Shoes 「有睇頭」及「傅嘉莉真係好正」等等。而簡淑兒就喺劇中飾演車婉婉嘅年輕版，仲以校服造型登場，雖然簡淑兒已經32歲，不過著起校服都唔太有違和感，更被網民話佢扮中學生幾得，不老傳說。
