疫情放緩，歌手Tyson Yoshi原本打算7月在亞博再開騷，可是他日前開Live表示不想消費觀眾，所以取消個人騷，更連台灣天王周杰倫都寸，爆粗譏諷對方巧立名目喪開騷！

近日不少歌手趁疫情放緩，開騷以饗歌迷。近年人氣急升的Tyson Yoshi，去年8月曾於九展舉行4場演唱會，獲不少好評，粉絲都希望他今年繼續開騷，有指他亦打算於今年7月在亞博再開演唱會，可是他向來有性格，日前開直播來個180度大逆轉，講明不會於7月開騷。

開Live爆粗

Tyson Yoshi開Live表示因今年只推出兩至三首歌曲，所以不想消費觀眾，決定取消7月在亞博的個人騷，他更句句有骨，開名寸爆周杰倫：「我唔知大家有冇睇過，對上一次經驗，以前睇『地表最強周杰倫』，跟住佢有『地表最強2』！」

他更爆粗說：「地表最強2同1係完全冇分別，我幾鍾意佢都好，我都係Ｘ咗一聲出嚟！嗰陣時1有睇，2又再買飛，一樣喎！」不少網民讚他講得有道理，但亦有人質疑他也是在消費周杰倫：「不停提周杰倫，是否也消費對方？」