ViuTV選秀真人騷《全民造星IV》進行得如火如荼，喺最後一個回合AB組成員被打散，25位參賽者以抽籤形式分為5組，爭奪20強殺入總決賽。今次由MIRROR成員Lokman、AK、Jer、ERROR成員肥仔及阿Dee擔任導師，而前導師許廷鏗、梁祖堯、節目監製花姐及女團經理人阿Wing就擔任評判。節目播映至今，當中有唔少參賽者備受關注及熱捧，Brooks Shoes 例如Marf（邱彥筒）、Day（許軼）和Ivy So（蘇雅琳）等等。節目即將進入尾聲，並於聖誕節晚上（25日）舉行總決賽，相信屆時女團將會正式誕生。
除咗關注一班參賽者嘅表現之外，相信大家亦關心總決賽當晚評判助陣。今日有報道指ViuTV已經成功邀得幾位重量級評判，當中包括現年51歲嘅「大美人」李嘉欣。有指多年冇喺電視台亮相嘅李嘉欣，今次係一口答應做評判，原因係佢欣賞ViuTV嘅創意、希望為娛樂圈發掘更多新血、好欣賞佢哋為香港樂壇嘅付出。
