天后王菲同男友謝霆鋒2000年上演世紀拖手，首次公開戀情，令人羨慕。然而佢哋感情兩離三合，去到2014年終再次走埋一齊，之後就多次高調合體，毫不介意被影，愛得更加大方，得到全城祝福。估唔到二人相戀近23年，愈愛愈冧，今日（11日）一早，二人罕有地大方手拖手共同現身內地機場，難得公開晒恩愛，仲襯晒一黑一藍休閒見人，王菲更加係以孖辮look見人，無視媒體追拍，任影唔嬲，表現從容，即被粉絲大讚係絕配，話佢兩個簡直就係​​​天作之合，等住佢哋有更進一步嘅好消息宣布咁話。