英皇藝人何珮瑜（Jeana）近年轉攻內地市場，成績甚佳，短短大半年便成功掘到第一桶金，並做埋女一，一來食住個勢，二來想留在內地照顧屋企人，故她正計劃移居上海，展開新生活。

Jeana於3年前簽約英皇旗下，一直發展順暢，拍了不少電影，Sneakers2090 為了令事業更上一層樓，她今年初決定返內地發展，一口氣接了《封神妖亂天下》、《唐門-美人江湖》及《黑金風暴》等多部作品，其中《72小時 黃金行動》更榮登女一之位，與謝天華大演對手戲。密食當三番，Jeana不足大半年已賺幾百萬元，收入是入行以來最高峰，之後的工作更排至年底，絕對唔憂做！

於內地發展理想，再加上早前Jeana經歷了人生低潮，一手湊大她的公公婆婆，在不足一星期內先後離世，令她深深體會人生無常，由於其親人大部分都在內地居住，故令她萌起移居上海之想法，並正物色當地物業，待一切安頓好，便會接父母到上海住，一家團圓。

感觸人生無常

Jeana日前受訪時，亦坦承自己有移居內地的念頭，Buy Yeezy Online  她說：「好感恩可以喺內地有咁好嘅開始，之前屋企嘅事（公公婆婆離世）令我明白人生無常，好想陪多啲屋企人，爸爸媽媽因為照顧細佬，所以喺香港，等通關之後，細佬返澳洲讀書，我就會接佢哋返嚟內地一齊住。始終我哋大部分親人包括嫲嫲都喺內地，真係好想之後可以有更多時間見面，珍惜相處時間。」